2020年2月14日
這是我們期待已久的情人節，因為心裡想是最後一個2人世界的日子，可惜..
半睡半醒的一晚，零晨三點又覺得有少少漏，但還是小小的，忍不住上網查看是怎樣一回事，結果搜了「高位穿水」，就是羊水流出比較少也不間斷流出，對於初次懷孕的我，的確很難分辨，最後又決定再休息..
直到清晨6點，我終於感覺到一股暖流要流出來，今次量明顯是比較多，但又未到各媽媽談及「一地都是水」，最終衡量沒人可以陪伴我情況下，決定入院！
不過既然沒有一地都係水，老公就快快手幫我洗了頭、煲定水落暖水壺，我就再檢查「走佬袋」，拎著大毛巾就忐忑不安出發了…（好後悔沒食早餐就出發）
果然第一次係無經驗，連去產房定產前都去錯了。還好有老公陪，要不然一定更迷惘🙈
疫情關係，老公就係產房門口放底我就去返工了！我寧願他等我生產後，花多一點時間陪我和Dodo，也好過現在白等，同時如果唔係穿水先再請假接我回家比較好。
因為昨日先做完產檢，所以產房還未有我完全的資料（不知為何連我有B鏈的資料都未知道），所以只幫我做了基本檢查，因為見紅入院很多次，我已有心理準備又要做內診🥺不過，做檢查時也未發現有要生產的情況，但一落床就有一攤水係床，大家都呆了！我問是否有「高位穿水」，但完全無答我，但就準備要入產房了。
只不過，原來連行入產房過程已無得用電話，當時覆了一個朋友「關機了」，來不及覆老公就被要求收起電話🤦🏻♀️老公記一世🤣佢話我唔搵佢，搵第二個先，但我不知道打完幾隻字之後就無機會再碰電話🤦🏻♀️我知就唔會按信息次序回覆😅
（待續）
你必須 登入 才能發表評論。