第一次進入產房，除了覺得好奇，就只有好眼瞓，因為昨晚基本上與沒休息是沒分別的。
因為我有B鏈加上穿水再加上昨晚8點時多已沒進食（護士連問了我三次），所以我要種豆並同時注入抗生素、催生藥同吊鹽水，或者一早有心理準備，只單求醫生好手勢一點就好，今次是一個男醫生，他的樣同我一樣未訓醒….幸好，一take過就完成，十分好。
然後開始要幫我準備好穿水見紅等等的裝備，又有護士叫我數胎動，同時終於有個姐姐同我講，可以問佢哋借電話打，然後等我安頓好所有，也可以打比我老公。
然而，太突然入院生產，我要交代的事實在太多，等我還有意識時，要請老公幫幫忙請家人待收BB床、通知我家人同上司、準備出院等等的東西。
收線後，我一直覺得會有排痛同痛排生，所以我選擇了訓覺，最重要都是我訓到🤣只是每次30分鐘左右都迷迷糊糊的有護士幫我量血額，還有間唔中問我要不要加其他止痛方法。
我一開始用了自然解決先，最後她們自動比了香薰、音樂，我就一直訓一直訓到下午3點幾，也終於再有好痛的感覺，因為生產前我已想好方法令自己分散注意力（就是想去台灣有咩好食，坐月後可以食的野等等）、所以一直到下午五點多，護士話，你真係好痛呀！不如加多樣止痛好唔好？（佢哋求我用😂），最後電同止痛針，我選了針…因為我相信還有很長時間才生到。
打完針我又一直昏睡🤪但我完全去不到小便、護士就安排我放尿，好瘋🤦🏻♀️一放就放了700ml，然後我又一直再訓（我其實會唔會暈左？），最後8點幾我老公第二次打比我，他話打左好多次去醫院，都話會叫我打比佢，但我完全係收到通知，結果佢打最後這一次是我進入最後階段，他說聽到我叫得好慘烈，但我一點印象也沒有，最後9點多我覺得自己好急屎，然後護士（助產士？）叫我不好亂來，等多陣，我話我真係好急，之後她們才勉為其難叫齊人來幫我，原來急屎就是要進行最後生產的一步….
你必須 登入 才能發表評論。